Archive for the Lyrysk Deiboek category

Der twirre ek in dream:
it stoarmjen yn de tinte,
de wetterfloed fan fierren
dy’t skieding brocht op ierde,
de skepping mei de wenten
foar âlden en har team.

Ik rûn de moarns dêrnei
yn waar en wyn op wegen
dy’t nei de fierte fierden
dêr’t skiere loften brieken
en ‘k seach noch wat ferlegen
nei dizze skeppingsdei.

Se libben op it skip tegearre:
Jan Poep mei soargjend suster Jel
hie frijheid as bestimming fûn;
gjin smoargens koe de sfear bedjerre,
want beide sieten yn sûn fel
en waarden ek noch kampioen.

Ik seach de Poep dêr net mear lizzen
en tocht: dy sylt hjoed op ‘e mar,
myn bloed kroep wer nei Jan en Jel,
mar amateurs besylden dizze
dei regelfêst de rûtes, dat
wat moast ik oars as jou my del.