Archive for the Lyrysk Deiboek category

De loft is klear mei rûne koppen,
driuwend op in bolle wyn,
dy’t falt op al wat rûn is,
silend ek as lang ferlyn
en alle seine komt fan boppen.

De tiid giet troch en rjocht nei foaren
fan de dei oer yn de nacht,
gjin oere dy’t ea bûn is
oan de minske fan ‘jou acht’,
wat hjoed wie, dat is moarn feroare.

De loft is skier, mei wolken proppe,
ûnder bôgen rûn te sjen,
de poarte dy’t hjoed skûl is,
sjocht nei wat der barre kin,
dat alle seine komt fan boppen.

De skeante oan de brede feart,
dêr wie it plak om stil te sitten
op ‘e earste drokke fiskersdei,
dat heit hat harren fangen leard,
mar sûnder fisk, se ha it witten.

Se seagen har de eagen út
hoe’t hjerringslynders fiskjes fongen
op ‘e earste drokke bernedei,
se joegen harren kroast de bút
en dûkten wer mei folle longen.

De drokte wie alhiel gjin pleach,
want nei it fiskjen kaam it rêsten
op ‘e hjerringslyndersdei:
de jongen op ‘e memmerêch
en heit fûn rêst nei ’t rappe bêst sa.