Willem Tjerkstra’s thússide

Archive for the Keunst category

admin

Jurist

Keunst
PDF Print E-mail
fan Giuseppe Arcimboldo*

Image

Lit wêze ’t wurk fan de jurist
de wetten lêze en dan sizze
dat it rjocht gjin wierheid mist
om penitinsje op te lizzen.

Mar ’t wêzen fan de skynjurist
sit yn de mage en de strôte:
letters frette en sa is ’t
yn kombinaasje mei in sâlte.

Dan leit de wierheid yn ’t gesicht
fan rotte fisken, deade hinnen,
wit it bûnt fan rjocht noch plicht,
de swarte kape keart de sinne.

* Giuseppe Arcimboldo (sirka 1527-1593)
wie in keunstner út Milaan,
dy’t 25 jier wurke yn Wenen en Praach
yn tsjinst fan de keizers.
Hy wie mei syn fantastyske komposysjes
in foarrinner fan it surrealisme.

admin

Heech wetter

Keunst
PDF Print E-mail
fan Isaak Iljitsj Levitan*

Image

As de Wolga stadich riist,
dan stimt it folk wat hoeden yn,
it sintsje skynt, mar kâld strykt noch de wyn,
it is de stream dy’t nei de maitiid wiist.

Sterker wurdt syn rûzjend lûd,
hy kolket by de kanten lâns,
it sintsje skynt, mar heger wurdt de floed,
de stream komt earst, dan krijt de maitiid kâns.

As de Wolga wâljend riist,
dan rint it wetter oer de wâl,
de bjirken reitsje yn de stream fertiisd,
want foar’t de maitiid komt, dan wiist it mâl.

’t Wolgafolk komt foar it ljocht
en sjocht de floed ôfwachtsjend oan,
it boatsje leit al klear as ’t wêze mocht,
’t is hjoed de stream, grif komt de maitiid moarn.

* Isaak Iljitsj Levitan (1860-1900)
wie in Russyske lânskipsskilder.
Hy keas tafallige, op it earste each
ûnbelangrike tema’s, dy’t er mei
kleur en ljocht in sterke lading joech.

Archieven

Zoeken

  • Categorie

  • Datum