Archive for the Bibelbylden category

Achior spriek wize wurden:
’t ferline gie hy stap nei stap by del,
by God wie Israel yn tel,
it kaam net oan op ’t slaan mei swurden.

Holofernes’ offisieren
ferspuiden Achior syn wize rie
en woene daliks ta de die:
de deaslach en dan oarloch fiere.

Achior moast earst noch switte,
woe Holofernes, by de lichte del,
as freon fan fijân Israel
soe hy fan gjin genede witte.

* Bibelske keunst fan Azor masters
Yllustraasje ‘Achior foar Holofernes’

De timpel, koartlyn wijd, rûn ek gefaar,
panyk fleach troch Jeruzalem,
it hillichdom moast bliuwe;
de hegepryster Joäkim
soe opdrachtbrieven skriuwe.

Hjir is de strategy foar doarp en stêd:
Rûnom it eigen hillichdom
wurdt elke berch fersterke,
dat wrede Holofernes rêdt
it net.. of hat er flerken?

Mar dochs, wa is de Hear fan ’t hillichdom?
Syn sterkte kin Jeruzalem
beskermje tsjin de spearen…
it folk yn roukleed rôp ta Him
om ’t ûnheil op te kearen.