februari 1, 2020
fan ûnbekend*
Hoe soe ik fabeltsjes fertelle
nei it sjen fan Kristus’ hearlikheid?
Fan God hat Hy de ear ûntfongen:
‘Dit is myn Soan, dêr’t ik sa wiis mei bin!’
In himelsk boadskip om it út te sjongen.
Dy wierheid sil ik trochfertelle
oant de tinte fan myn lichem leit
om hjir net wer oerein te kommen;
it is sawat safier, myn trie is tin,
nei ’t brekken sil it boadskip net ferstomje.
De wierheid sprieken ek profeten,
jou dus acht op wat har wurd jim seit,
it is in lampe yn it tsjuster
oant de dage ’t yn de moarntiid wint,
as harkers reitsje jim it paad net bjuster.
* Foto ‘Oaljelampe’
januari 29, 2020
fan ûnbekend*
Sjedêr, de wrâld is fol ferdjer,
wat komt troch ’t stribjen nei gewin;
as wie men sels de heechste stjer
dy’t skynt: ‘Sjoch wat ik kin!’
Wy binne roppen troch de Hear
om diel te hawwen oan syn macht,
dus krêftich stribje wy nei mear
fertrouwen, wat dan slacht…
… op: fan it leauwe nei de leafde!
Sjedêr, hoe’t iepengiet de doar
foar jim nei ’t ivich keninkryk,
dêr soarge Jezus Kristus foar…
wa is oan Him gelyk?
* Yllustraasje ‘Himelfeart’
