Posted by admin

De tonge stekt in stikje út ‘e mûle,
want it komt der hjoed op oan,
kontrôle by syn skûtsjekop:
in streekje foar… wat út it krop?
Hy rekket fuort net op ‘e doele.

Lit Eldert Meeter en syn skûtsje rinne,
’t komt net op in streekje oan,
hy hat it silen yn de kop
en stribbet smachtsjend nei de top
salang’t syn lea it rêde kinne.

Hy makket stiel en seil sels mei syn soannen,
wat gjin skipper yn him hat,
draait seil en fok mei stiel heech op,
net heech hat hy it eigen krop,
de top wurdt helle mei mear hannen.

Lit Eldert op it eigen skûtsje sile
oant er wurdt dé kampioen,
dan roppe trije soannen: ‘Stop,
it nije skipperslaach stiet op,
do meist mei stiel en seilen piele.’

Ienenfyftich skûtsjes foar de striid,
wa kin dy allegearre telle?
Gjin begjinnen oan, dochs is it tiid
foar ’t skot, de trekker wurdt oerhelle.

Hûnderten toeristen op ’t terras,
de Lemsters kinne euro’s telle;
giet it skot, dan wachtsje mei de kas…
de útslach noch in skoft útstelle.

Withoefolle sjoggers op ‘e pier,
want Ulbe Zwaga* is de skipper
op it ‘Zwarte Schaap’, wrachtich wier,
it liuwke wie foar him de wipper.

Ien komt altyd winnend út ‘e striid:
Ahoy, de Snitser Pan as sterke
siler sjongt as kampioen dat liet,
de song fan ek de Lemster merke.

* Ulbe Zwaga waard yn 2002
fan it Ljouwerter skûtsje setten
en troch de SKS royearre