Willem Tjerkstra’s thússide

Posted by admin

admin

Tsjinbylden

Lyrysk Deiboek
PDF Print E-mail
Image

Hy stiet noch altyd rjocht oerein,
syn krún fier boppe dakken út,
gjin twirre hat syn stam ferslein,
in pronkje foar it einbeslút.

En binne alle tûken keal,
dan is er swiere stoarmen treast,
hoewol’t de kleur ferwurdt ta feal,
foar him komt it oerlibjen earst.

Syn stobbe hat gjin takomst mear,
ferslein waard hy, noch net stokâld,
it spegelbyld is wreed, docht sear,
it struit syn wûnen fol mei sâlt.

Image

admin

Deastraf foar Elazar

Bibelbylden

fan Gustave Doré*

Wa koe âldman Elazar net,
al oer de njoggentich, mar rjocht fan rêch,
hy koe en hold him oan de wet,
iet rein en bea wol sân kear deis,
net foar de foarst, dus moast er foar ’t gerjocht,
se troppen yn syn mûle bargefleis,
hy spuide ’t út, wat foel yn ’t each.

De âldman kriich doe noch ien kâns:
in rein stik fleis, sabeare fan de baarch,
dan bleauwen wetten yn balâns,
dy fan de kening en fan God;
Elazar joech net op, syn rêch bleau rjocht,
mei iepen eagen rûn er nei syn lot,
de marteldea joech him gjin soarch.

Wol deale, wie dy âlde gek?
Hy soe ’t fernimme yn syn eigen fleis
mei hjir in slach en dêr in stek;
krekt foar’t it libben him bejoech,
klonk noch syn bea: ‘Ik ha dit offer brocht,
o Hear, want kenings wet jout smaak noch foech.’
Elazar joech de geast dy deis.

makkabeeer-4

* Gustave Doré (1833-1883)
Yllustraasje ‘Dea fan Elazar’

Archieven

Zoeken

  • Categorie

  • Datum