Hy seach noch net de kleare kleuren,
mar as Rembrandt clair-obscur,
wie ek sa’t mem woe yn de klean,
it eachbrún, skerp as fan in earn,
socht al it aventuer.

Heech fleach er boppe bosk en heuvel
mei it each op kleur as proai,
dy’t bluodrich kaam op it palet,
hy gie mei fellens oan de roai
en finzen waard er net.

Syn kop is klear yn felle kleuren,
’t hier obscur as yn kontrast
mei foar it each in wite kyl,
yn brune opslach sprekt de siel:
jim oardiel seit gjin barst.

* Pablo Picasso (1881-1973),
bewûndere en bekritisearre,
bylde it libben út fan gewoane
minsken.