Ree foar…

admin

oktober 30, 2016

Ree foar…

It is safier, wy binne ree
foar ’t stek dat ús beskermt,
de Aldi-fuorbak of it foer fan Heijn,
wy bliuwe ’t leafst op ’t âlde stee,
it is de soarch dy’t him oer ús ûntfermt.

Se binne ’t wend, it is net oars:
as reeën stedsk beheind
troch stek en bak en har misfoarme brein,
mar alle woansdeis is der soas,
mei moai waar bûten, ûnderdak as ’t reint.

Foar har is ’t oars, gjin grins te fier,
in sprong oer stek en sleat,
dêr is it lêste lang noch net mei sein,
want yn de simmer fan dit jier
lei foar de reeën ree de brune feart.