Rendemint

oktober 16, 2016

De soere stâle koe ’t net keare
dat it leger rôle oan
mei ’t swarte sâlt dat rikjend hjit
set yn de berm de toan
fan lûd sil hjoed it asfalt beare.

Men priuwt it swiet
dat rjocht fan stâle
linich ’t wiet beswimt;
in steatlik liet
klinkt tusken wâlen,
mar foar wa bestimd?

Wannear’t de boer syn trekker keare
kin op hurde ûndergrûn,
gjin lege toanen yn de berm,
dan sjongt de bân yn ’t rûn
syn liet, it rendemint ta eare.

Recente berichten