Lit kleuren fel fertelle
fan har fiktoarje op it fjild,
it pompeblêd as fuotbal,
de bloesem it jûchhei:
se draaiden as de swellen,
gjin seare wurgens ha se field,
nei ’t gloeiend skot in koprol.
Read hingje se derby.

Hoe kinne se sa roaie,
har priis krekt tusken berm en dyk,
it glês yn tûzen stikken
klonk as in lûd jûchhei:
se dronken om te goaien,
it seil noch foddich op ‘e gyk,
mei gleone koppen mikke,
read hingje se derby.