Brutsen monumint

admin

oktober 5, 2016

Brutsen monumint

Wat opboud waard yn it ferline,
folle heger as in minskenoas,
om reek te spuien út masines
dy’t bewegend wurken, oars
as earder hûndert minskehannen
foar it deistich brea,
is net troch dynamyt skansearre,
sûnder skea
troch minskehannen segmintearre.

Se steane yn ’t gelid, soldaten
fan it hurde soart, mar achter ’t stek,
fanwege ’t brekpunt dikke maten,
steane sy foar neat en gek,
mar as de kommandanten komme,
sette dy de trend:
segminten wurde sûnder brekken
’t monumint
om fier de hichte yn te stekken.