februari 1, 2026
fan ûnbekend*
Twa broerkes, Palestynsk fan berte,
alles hiel, it siet derop en -oan,
de hollen foar de takomst klear
en yn de groei de geve earmen,
koene gjin giel blok fersette.
Soldaten, joadsk fan berte, hiene
as de grins de blokken fierder lein
as nei ferdrach besletten wie,
sy skeaten drones oer grinzen hinne
wêr’t noch skeinde beammen stiene.
De heit, troch joadske kûgels rekke,
inkeld yn in rolstoel noch mobyl,
hie prikken nedich foar it fjoer
om ’t skeamel iten te berêden
om fan honger net te frekken.
De broerkes fûnen fjirtich prikken
fan de keale beammen foar de grins,
ien joadske drone kaam sjittend oer,
feroare har yn tweintich prikken…
koene dy it fjoer berikke?
Twa broerkes, Palestynsk fan berte,
siet gjin holle of in earm mear oan,
fuortfage foar de giele grins,
oer sân morele grinzen hinne,
hillige troch joadske wetten.
Yllustraasje ‘Giele grins’
januari 27, 2026
fan ûnbekend*
As syn wurd de kâns krijt
om yn it hert te sjitten,
wurdt it bloed sa tin as sûpe
en it brein sâlt as de see,
dy’t iiskâld oer New York streamt,
weaget troch nei Washington
en Minneapolis befrijt.
Wurd nei wurd wurdt sketten,
gjin wierheid kin him keare
mei’t syn bloed noch tinner is
as sûpe, asperine lit
it hjit en breinroer streame
oer de wrâld: ‘Lit Washington
mei ’t medisyn belibje fun!’
Minneapolis lit
it nei by ’t sjitten sitte,
lit it bloed noch flugger streame
troch it al fergetten bloed,
de stêd lit razend witte
dat yn Washington mei wurd
nei wurd de leagen deadlik sjit.
Yllustraasje ‘Sniestoarm’