Ut it skûtsje-argyf 1970
![Image Image](http://www.tjerkstra.com/images/stories/deiboek4/tn_img133.jpg)
Se stoarmje oan mei slaande fokken,
heech ‘Doarp Huzum’, leech de swan
en op ‘e foargrûn is it gokke:
lizzen bliuwe of… wat seist derfan?
![Image Image](http://www.tjerkstra.com/images/stories/deiboek4/tn_img134.jpg)
De rûnfeartboat mei Fryske flagge
leit mei ’t folk op daaldersk plak;
is ’t SWH oer stjoerboard slagge
of komt bakboard him noch op it dak?
![Image Image](http://www.tjerkstra.com/images/stories/deiboek4/tn_img135.jpg)
It boatsjefolk is út ‘e skroeven
dat de wite fljocht foarlâns,
mar sjocht de bakboardskûtsjes loeven,
heart it fleanend flokken yn kadâns.
![Image Image](http://www.tjerkstra.com/images/stories/deiboek4/tn_img136.jpg)
Wannear’t de skippen stjoerleas doarmje,
rekket ’t boatfolk yn panyk,
de motors oan en as soe ’t stoarmje,
brûst it streekrjocht nei it wâlpublyk.
![Image Image](http://www.tjerkstra.com/images/stories/deiboek4/tn_img137.jpg)
Twa skûtsjes binne ’t paad noch bjuster,
’t raamgefaar komt fan Langwar,
it brune túch betsjut it tsjuster
foar it hingjend rûnfeartfolk yn ’t far.
![Image Image](http://www.tjerkstra.com/images/stories/deiboek4/tn_img138.jpg)
Mar krekt op tiid kin ’t skûtsje draaie
mei in boom as twadde roer,
fan start nei finish klinkt it kleien
fan de swan de hiele Wiellen oer.
|