Ut it skûtsje-argyf 1972
Wat hat it skûtsjesilen mear
as ’t wurk yn wâlberoppen?
Dêr wurdt libbe nei de AOW
en stribbe nei foar altyd klear,
mar âlde skippers wurde roppen.
![Image Image](http://www.tjerkstra.com/images/stories/deiboek4/tn_img344.jpg)
Sjoch Ulbe* mei syn Frisia,
in skip om te ferjitten,
dat de kampioen wie samar ree
om wer nei ’t Grouster skûtsje ta,
in skip om net oer yn te sitten.
![Image Image](http://www.tjerkstra.com/images/stories/deiboek4/tn_img347.jpg)
Dan Hylke**, man fan sa, net oars,
in skipper om te laden
Fryske frijheid yn it eigen rom;
hy joech himsels en ’t skip sa loas,
wat paste by har beide aarden.
![Image Image](http://www.tjerkstra.com/images/stories/deiboek4/tn_img349.jpg)
De nije skippers, ek al âld,
dêr moast men earst oan wenne,
Durk*** en Sake**** , beide sûnder rom,
noch net bebiten yn it sâlt,
sy waarden yn dit jier krekt berne.
![Image Image](http://www.tjerkstra.com/images/stories/deiboek4/tn_img350.jpg)
* Ulbe Zwaga
** Hylke de Vries, partikulier skipper fan de ‘Fryslân’
*** Durk de Jong, skipper fan Langwar
**** Sake Eekma, frege as skipper fan de Súdwesthoeke,
mar fanwege sykte ferfongen troch Rienk Zwaga |