Willem Tjerkstra’s thússide
admin

Nachtbisten

Bibelbylden
PDF Print E-mail
fan ûnbekend*

Image

It wie bysûnder, op ‘e nij
kriich Daniël in fisioen,
hy fielde wyn út fjouwer streken,
dat de see spriek op oant yn de jûn,
liet fjouwer frjemde bisten frij:

In liuw mei wjukken fan in earn
en mei in minskehert, in nuver teken,
kaam fan de grûn, bleau doe wer stean.

In bear mei ribben yn de bek
noch sûnder fleis en fet, in nuver teken,
kaam skean omheech as wied er gek.

In panter, wjukken op ‘e rêch
en fjouwer kear in kop, in nuver teken,
kriich wylst er fleach de wrâld yn ’t each.

In bist dat noch gjin namme hie,
mei hoarnen op ‘e kop, in nuver teken,
liet neat yn stân, sterk as er wie.

It waard in wûnder, der wie Ien
op jierren, sittend op in troan,
dy’t rjochtspriek yn de fjouwer streken;
mei de wolken kaam de minskesoan,
dy’t eare kriich fan elkenien.

* Yllustraasje ‘Fisioen fan de fjouwer dieren’
Ut ‘Foundations of my faith’

admin

Tsjin wet en liuw

Bibelbylden
PDF Print E-mail
fan Peter Paul Rubens*

Image

It wie in wet fan Meden, ek fan Perzen,
keninklik en ivich fêst:
de bidder moast de kûle yn,
de wei nei boppen like skyn,
it wie folslein tsjin ’t liuwe-wêzen.

De kening koe de hiele nacht net sliepe,
’t maalde yn syn wêzen om
dat wetten brieken soms it rjocht,
hy hie fan ’t flaaikjen skjin syn nocht,
woe ha de takomst lei noch iepen.

Hy gie betiid op wei, noch foar ’t lemieren,
bûgde boppe ’t swarte gat
en hearde hoe’t syn tsjinstfeint spriek:
gjin liuw dy’t him de bonken briek,
de dieren harken nei de Wiere.

Doe waard de bidder út ‘e kûle helle
sûnder mar in skamper skea,
de wei nei boppen wie net dreech,
de kening sels seach ek omheech
en hat de lof fan God ferhelle.

* Peter Paul Rubens (1577-1640)
Skilderij ‘Daniël yn de liuwekûle’ 

Archieven

Zoeken

  • Categorie

  • Datum