Yn sliep fersonken

oktober 4, 2016

As de dize bringt de tiding
fan ’t ferrinnen fan ’t seizoen,
wurdt de boat oan ’t keatting bûn,
nimt de leechte lang de lieding.

Winterlang yn sliep fersonken,
dreamend alle kanten út
fan de simmersinnetút
en werom fan wetter dronken.

Oan de oare kant fan ’t trekpaad
stiet yn ’t skier de hôfkapel,
stil beskôgjend wa’t yn tel
wie en no net langer meipraat.

Stjerrend wier yn sliep fersonken,
dreamleas wachtsjend yn it neat
op ‘e tiid fan himelfeart,
yn it libben al beklonken.

Recente berichten