Tûkleas stjerre

admin

oktober 2, 2016

Tûkleas stjerre

Se hiene ús beknotte,
it wie út goederbêst,
de groei soe sa wer komme,
de woartels sieten fêst,
myn stam wie net ferrotte,
dus ha ik rom de rêst
foar’t grutte groeiwurk nommen.

It wurkjen is mislearre,
hoe’t ik myn bêst ek die,
de groei woe mar net komme,
de ein joech my gjin rie;
moast ik dan tûkleas stjerre,
der gjin begrutsen wie
fan dy’t deroan ûntkomme?