Wylst de hoeder moarns syn skiepkes telt,
in keppel wurden troch syn trouwe hûn,
leit noch it eilân yn in djippe rêst,
ta keppel wurden yn de lette jûn.
Op ‘e toer ha se de skipkes teld
dy’t troch de finish foeren, dreaun troch striid;
hjoed sjocht er út nei wat beweecht de mêst
nei heger oan de wyn, want ’t wurdt no tiid.
Sjoch hoe’t flaggen op ‘e Hurdsyldei
bewapperje it feest fan wyn en bier,
in krêft fan fiif fiert op de symfony
fan klapperjen en rûzjen withoefier.
Wylst de skipkes batse yn de draai,
beweecht it eilân ûnder ’t byljend lûd
fan hûnen, keppel fan hupfaldery,
de hoeder sjocht en fynt it hjoed wol goed.
|