Simmer yn de hjerst

Noch gjin sprake fan de hjerst,
dy’t oars al beard hat mei in stoarm
en weagen reitsjend kant en wâl
mei kâns op in oerstreaming,
wat resultearret yn alarm.

No sprekt noch wat al west
hat op in simmersk moaie moarn
doe’t op ’e mar in ljochtbaan lei:
it wetter as de spegel
foar ’t haadljocht, dûbele ikoan.

Stel no op in manifest
tsjin simmerhjitte yn de hjerst,
sa rekket wetter kant noch wâl,
komt drûchte yn beneaming
foargoed, rampsillich as de pest.

* Foto ‘Opkomst fan de sinne’