In blom, PM, prinses Margriet,
as ’t skip der mar trochhinne giet.

’t Wie op in simmermoarn
betiid dat ik dêr wachtsjend stie
op wat my like yrreëel:
’t kanaal fertsjinne wol in kroan,
in beareklau yndie.

Twa laden skippen foeren troch,
ik seach dernei en wachte noch.

’t Wie letter yn de tiid
dat ik op ’t selde plak wer stie
en seach wat like wol reëel:
piraatmodel, ree ta de striid,
in beareklau yndie.