Noarderfjoer

admin

november 2, 2016

Noarderfjoer

Noardeminsken jachtsje nei it suden,
want dêr is it paradys
mei alle dagen sinneskyn
en troch it hier in soele wyn,
wa’t yn de kjeld bliuwt, is net wiis.

Stadich rint it jachtsjen út op hjitte
mei’t de sinne stekt op ’t fel
en skroeit de dei troch op it lân
oant fjilden reitsje yn de brân,
it paradys wurdt ta in hel.

Mar yn ’t noarden is ’t de jûntiidssinne
dy’t de himel brâne lit
en alle beammen stekt yn ’t swart,
sadat ús lânskip ek wat hat,
sa’t elke noardeling wol wit.