Loftduet

admin

november 2, 2016

Loftduet

Beide binne opriisd yn it easten,
yn fjoer en flam de ien,
de oar blau-wyt, de kâlde kant it neist,
se ha sawat har plicht wer dien,
de sinne joech fierwei it measte.

Mei in fjurke hat blau-wyt it rêden,
kaam stadich fan de grûn
en sweefde op ‘e wyn, wylst ûnderweis
de eagen skoden oant de jûn
oer wenten, greiden, gers en blêden.

Beide ha de lâning yn it westen,
de iene wer mei fjoer
en sakjend by it dak del nei syn reis,
de oare kâldwei by de boer
yn ’t lân, gjin fjurke om te pesten.