Leech bûtlân

It kin noch net, it giet net oan
om al foar winternocht te gean,
de guozzen litte noch net witte
dat Rûchburd no yn oantocht is,
lit stean dat hy sit op syn troan.

It wie net wiet genôch fan ’t hjerst
foar winterdeis in heger peil
sadat it bûtlân ûnder wetter
strûpt, Rûchburd kin syn gong dan gean
en fiert sa út de earste test.

It iis ferliest it fan it grien,
dat oeral heech de kop opstekt
om iere riders op te kearen,
de test kin Rûchburd no net dwaan,
men sjocht op ’t bûtlân noch gjinien.