Willem Tjerkstra’s thússide
admin

Dûbel fiskje

Lyrysk Deiboek


It foel him hielendal net swier
om ier derôf te kommen,
mei de angel op ’en paad te gean,
ek tille gie him maklik ôf
en boppedat wie it net fier.

Hy stie betiid al by de mar,
hie ’t hiele ryk allinne
om net inkeld stil te stean by fisk,
want soms foel him it libben ôf
en wie it wolris yn de war.

De hoarizon wie no noch skier,
mar ’t soe grif better wurde
as er fiske yn de geast fan stean
net stil by watst net makkest ôf,
begjin opnij, dan komst wol fier.

Hy fiske dy dei dûbelop,
it wie de muoite wurdich,
mei de fangst koe hy wer fierder gean.

Related Posts

Archieven

Zoeken

  • Categorie

  • Datum