Willem Tjerkstra’s thússide
admin

Black Bart

Skiednisbylden

fan ûnbekend*

Hoewol’t er net nei swarten skaaide,
gie er troch it libben as Black Bart,
dy’t foar ’t gefoel as út ’e nacht
opdûkte, wylst mei syn revolver swaaide.

Gjin masker hie hy foar de eagen,
dy’t er sjitte liet, as wie ’t al bard,
se brochten ’t folk rap yn syn macht,
gjinien dy’t noch de oanfal op him weage.

Hy waard op ’t lêst dochs arrestearre,
troch in kneppel waard syn eachweid swart,
sels sloech er op syn tastân acht,
hat wa’t syn hannen bûn komplimintearre.

De fraach wie wat him motivearre
of beweegde om te dwaan as Bart
dy’t swarde by in swiere fracht
oan rôversguod, dus waard er operearre.

Syn harsens waarden sa fersetten
dat se pasten yn ‘t korrekte part
fan dy fan ’t folk dat altyd acht
slacht op in diktatuer mei strange wetten.

* Foto’s ‘Reimund Holzhey’ 

Related Posts

Archieven

Zoeken

  • Categorie

  • Datum