Doarpsbyld

admin

oktober 19, 2016

Doarpsbyld

It wie bekend, yn Goaiïngea
soe ’t spul ta libben komme
as in mienskip mei ferskaat,
it gie oer ’t gea mei slaande tromme,
wa woe ha it doarp wie dea?

Ik seach se lizzen moarns noch ier,
wat einen en twa keallen;
wie dit byld dan syn ferskaat,
dan koe it doarp my mear fertelle,
’t lei foar dea as wie it sier.

Sa rûn ik fierder troch de kom
en ’t waard my iepenbierre:
aksje nei it diere-aard
fan kat en hynder dy’t har tjirren,
’t doarpsbyld joech ferskaat rûnom.