Surrogaat Bogatyr

fan Victor Vasnetsov*

Sjedêr held Bogatyr
mei bûtenierdske krêft
lit hy syn hynder stegerje
op ’en paad nei ’t striidtoaniel…
wa soe him dan wat wegerje?

Sjoch ek nei hjoed de dei,
hoe’t ien mei brute krêft
de ierde as fan him beskôget,
hy fernielt in oar syn diel
mei fjoer dat deadlik lôget.

In twadde Bogatyr
mei bûtenierdske krêft?
Ferbylding dy’t gjin grinzen ken,
mar mismakke is syn siel
as hy fermoardet lytse bern.

Sjoch dêrom nei de dea
út fan dy surrogaat
mei ûnderierdske krêften, lit it
barre dat hy krijt syn diel…
wa soe syn rol ferjitte?

* Victor Vasnetsov (1848-1926)
Skilderij ‘Bogatyr’