It binne heuvels yn it sinneljocht,
in stream dy’t slingeret nei de kym,
in ploechje folk dat rêst opsocht,
it is in fiergesicht, sublym,
dat rjocht oan ’t flakke lânskip docht.

Gjin fûgel dy’t mear oer it lânksip fljocht,
de fisk swimt ek net yn de mar,
gjin bist dy’t hjir de skulpen brocht,
de rige tropysk echt, bizar
yn ’t lânskip ûnder ’t kâlde ljocht.

De heuvels wiene earder ûnderdak
fan wezen sûnder fiere kym,
in ploechje folk yn ’t wêzen flak,
dochs wie har dreamwrâld wol op rym
mei skulpen hjir sublym teplak.

* Philips Koninck (1619-1688)
skildere lânskippen yn grut formaat.

** Barend Blankert (1941-…)
waard ynspirearre troch de lânskippen
fan Philips Koninck.