Sicht op plicht

fan Hobbe Smits*

De seilen binne hise,
de fleugels hingje slop,
mar wize wol de rjochting
troch sa no en dan in sucht
fan skippers en de wyn,
sy hâlde hjoed de siken yn.

De miuwen binne warber,
de wjukken litte sy
net hingje, dy bewege
sierlik; driuwend op ’e lucht
ha sy in skoander sicht,
sy sjogge fleanen net as plicht.

De seilen binne strutsen,
de fisk is djoer ferkocht,
de fisker sit net stil, mar
boetet iverich syn net,
want moarn stiet der wer wyn,
sykhellet hy de seelucht yn.

* Hobbe Smits (1862-1942)
Skilderij ‘Sicht op Durgerdam’
Skilderij ‘Netten boetsje’