Babbe en har ûle

fan Frans Hals*

Sjedêr de âlde ûle,
strieljend wiisheid út
op Babbes rûne rêch…
is sy wol op ’e doele?

It giet dan om de mûle
dêr’t de wiisheid út-
noch ynkomt, wol de drank…
is sy dan op ’e doele?

Sy laket faak, want gûle
leit net yn har aard,
har lûd giet op en del…
is sy dan op ’e doele?

Sy hâldt it mei har ûle,
like wiis is sy
mei him as hy mei har…
dat is wat sy bedoele.

* Frans Hals (sirka 1580-1666)
Skilderij ‘Mâle Babbe’