januari 6, 2023
fan ûnbekend*
Sy kamen mei in lege holle
nei it mardistrikt yn Ingelân
om dêr in jier te bliuwen,
op it iepenst each en ear
om dêrnei ’t dichtsjend op te skriuwen.
Se seagen oer de kleare weagen
nei de heuvels oeral yn it rûn
en hegerop de bergen;
troch te klimmen wie wol klear
dat hichten hiel wat fan har fergen.
Mei swolgen dronk de geast fan ’t lânskip
oant de holle, ek it hert wie fol,
se kamen swier wer ûnder;
mei it dichtsjen rekke gear
wat sy beseagen as in wûnder.
Foto ‘Derwentwater’
december 30, 2022
fan ûnbekend**
In mar mei suver wetter,
spegel fan de kleare loft,
foar ’t each folsleine harmony,
mar ‘Morskie Oko’ wit net better.
De minsken ha twa eagen
om de djipte goed te sjen,
mar sjogge net it see-each, want
dat leit fier ûnder Poalske weagen.
It see-each, dat ferbine
soe it swiete wetter mei
de sâlte see, koe beide sjen,
wat trochgie foar trochgeande line.
It wie in foarbyld foar de
minsken dy’t koartsichtich yn
it libben stean, gjin sicht ha op
wat hjoed bestiet en juster barde.
* Morskie Oko betsjut see-each
** Foto ‘Morskie Oko’