mei 12, 2023
fan ûnbekend*
In libbensier is ek de Ryn,
dy’t streamt by Keulen lâns,
draacht tal fan skippen mei
op wei nei libbensûnderhâld
en biedt sa mannichfâldich kâns.
It Keulske wetter streamt net fluch,
dript minsken op ’e hûd
en rûkt de hiele dei
as middel foar in hechte bân,
sa bliuwe de relaasjes goed.
Johann Maria Farina
fertsjinne mei syn drip
eau de cologne goed,
mear as syn libbensûnderhâld,
rivier de Ryn droech skip nei skip.
* Foto ‘Sicht op Keulen’
mei 5, 2023
fan ûnbekend*
fan ûnbekend**
Dit kastiel fan tûzen jier
hat mannich striid trochstien
troch muorren yn in tsjokke steat;
wiene wapens faak fan izer,
stiennen ha it measte dien.
Troch de tiid bleau dit kastiel
net hiel, mar mannich stien
kaam letter wer yn goede steat,
makke de toeristen wizer:
stiennen ha it measte dien.
Smidden komme nei ’t kastiel
en smeie fjurrich foar
de ear: wa is it bêst yn steat
om te meitsjen fan it izer
wat fertsjinnet elke kar.
God Hefaistos sjocht it oan
en rekket yn de war:
wat is yn allerbêste steat,
hurde stien of ’t eigen izer?
Keunstich izer is syn kar.
* Foto ‘Kastiel Helfstyn’
** Foto ‘Keunstich izer yn it kastiel’
