april 23, 2023
fan ûnbekend*
fan Steven Spielberg*
It boek hat grutte ynfloed hân
op ’t folk dat harke nei de tekst,
foarlêzen op ’e radio:
panyk briek út omdat ferbylding
holden waard foar as wie ’t echt,
Marsmantsjes fjurren folop brân.
It wapen wie in trijepoat,
ferneatigjend mei striel nei striel
wat kaam yn har ferrekt fizier
dat rjochte op ’e milimeter…
wa koe dan noch op ’e flecht,
de hiele ierde waard har oard.
Hie Wells, de skriuwer fan it boek,
foarsjen kind dat der briek panyk
út troch ’t lûd fan de radio?
It folk seach inkeld oarlochsbylden,
noch grouwéliger as echt,
dy’t letter kamen op it doek.
* Foto ‘Orson Wells lêst foar ‘
** Filmbyld ‘War of the Worlds’
april 16, 2023
fan ûnbekend*
fan ûnbekend**
Edvard Benes, twa kear presidint
fan Tsjecho-Slowakije
mei dêr tuskenyn de oarloch,
as in presidint yn ballingskip
wie hy op ôfstân noch presint.
Adolf Hitler wie him frjemd bekend
as ‘ik sil ’ t lân ek krije
dêr’t Sudete-Dútsers wenje;
sûnder macht stie doe de presidint,
oan Hitler tajaan wie de trend.
Edvard Benes makke ’t plan fan wraak
foar Nazi Reinhard Heydrich,
ien fermoarde tsjin fiiftûzen
boargers dy’t dêrnei út wraak de dea
ynjage waarden, sa gie ’t faak.
Wraak nei wraak, ’t gie nei de oarloch troch
mei etnysk suverjen fan
no de Dútsers, as Sudeten
waarden sy de dupe: moard nei moard,
de rop fan ûnskuld wie omdoch.
* Foto ‘Edvard Benes’
** Foto ‘Deportaasje fan Sudete-Dútsers’
