Willem Tjerkstra’s thússide

Archive for the Mytebylden category

admin

Troilos

Mytebylden

fan ûnbekend*

Troilos,
syn namme sprekt al fan de stêd
dêr’t hy as keningssoan it ljocht seach,
dy’t it op it lêst net roaie
koe, de jongste dy’t al jong ferstoar,
hy kaam út Troje.

Achilleus,
de anty-held yn ’t Grykske kamp,
dy’t yn de jonge held it ljocht seach
fan de leafde, mar ’t bleau tsjuster,
wat him brocht ta wreker mei it swurd,
hy wie ’t paad bjuster.

Troilos:
Dy leafde kaam net op my oer,
ik seach my yn it ljocht fan ’t slachfjild,
stride foar myn leave Troje,
op myn hynder swaaiend mei it swurd…
myn ear fergoaie?

Achilleus:
Ik kaam ek op it slachfjild oan
en seach him fan syn hynder fallen,
doe koe ik syn libben nimme;
hearde ik, wylst hy as held ferstoar,
’t ferwyt fan stimmen?

* Yllustraasje ‘Troilos wurdt opwachte
troch Achilleus’ 


admin

Titanen

Mytebylden

fan Jacob Jordaens*

Seis dochters en seis soannen,
tolve mei ferskillend aard,
mem Gaia , heit Ouranos
wiisden elk in eigen paad.

Wat koene de Titanen
sûnder bern, elk kriich in tal,
dy’t ek wer goaden waarden,
’t universum rekke fol.

De ienheid tusken stjerren
wie der net, ’t rûn út op striid:
Titanomachy wie de
namme, tsien jier wie de tiid.

Zeus soe ’t úteinlik winne,
waard de heit fan in grut tal:
de goaden op Olympos,
generaasje fan de lol.

De deastraf foar Titanen
hie wat resten ta gefolch,
dy wiene doe ornearre
foar de minske… it ferfolch.

* Jacob Jordaens (1593-1678)
Skilderij ‘De fal fan de Titanen’

Archieven

Zoeken

  • Categorie

  • Datum