Willem Tjerkstra’s thússide

Archive for the Lyrysk Deiboek category

admin

Stielen hjerst

Lyrysk Deiboek
PDF Print E-mail
De hichte lit noch simmer sjen,
it blau fan mar en loft,
omliste mei it stiel en giel
fan útsichttoer, dêr’t men
yn alle tiden fan it jier
it hege libben fielt.

Image

De lânkant út ‘e hichte wei,
mei beamteguod en reid,
lit sjen dat oer de lichte strykt
de hjerst, dy’t dêrop leit
de dize, dêr’t de kleur foar wykt,
in stielglâns as flewiel.

Image

De lichte jout it echte byld,
it blau wjerspegelt noch
deselde beammen, mar net myld
fan maitiidsgrien; mei stiel
beslacht de hjerst no beam foar beam,
dat men de wierheid fielt.

Image

admin

Nominaasje

Lyrysk Deiboek
PDF Print E-mail
By gelegenheid fan in lêzing oer
kristologyen by de Itenser Rûnte
op 3 novimber 2005

Mattéüs, Markus, Lukas en Jehannes,
nominearre as auteurs
fan har roman oer Jezus Kristus, man ris
west, fertocht as terrorist,
dy’t libbe yn beset gebiet, mar sûnder
wapens en mei platte beurs
sa fan it iene yn it oare wûnder
oant der oer him waard beslist:
de dea fanwege terrorist en sûnder.

Image

Mattéüs, Markus, Lukas en Jehannes,
nominearre foar de priis
hoe’t de ferhâlding tusken God en man is,
wyt of swart of tinten griis;
twa sjuerys soene har dêrop beriede,
fan de tsjerke en fan God,
de earste hat der ieuwenlang op brieden,
krige oer de útslach mot
en dêrom binne harren wegen skieden.

Image

Mattéüs, Markus, Lukas en Jehannes,
Tomas heart der ek noch by
en fierder elkenien fan wa’t de fan is
Skriuwer-oer-de-soan-en-My,
sa wie de twadde sjuery fan betinken,
op in oare wize wiis,
de útslach sil yn alle tiden klinke:
nominaasje is de priis,
sa’t likefolle himeltinten blinke.

Image

Archieven

Zoeken

  • Categorie

  • Datum