Willem Tjerkstra’s thússide
admin

Krystdream

Lyrysk Deiboek
PDF Print E-mail
De krystbeam seachst fan fierren stean,
heech boppe ’t meanfjild út,
de rêch rjocht as in kears,
de earms yn langte kreas
ferspraat oer hiel de beam,
karakterfol it ljocht
útstrieljend as in dream
dy’t wierheid wurdt.

Image

Dy sneintemoarn, de nacht foarby
fan drank en dronken gean,
doe seachst de krystbeam al
fan fierren net mear stean,
de brek kaam foar de fal,
dat rêch en earms gjin sier
mear joegen oan it stal,
de dream foarby.

Image

Dyselde moarn by’t opgean fan
de sinne stie in elzebeam,
fersierd noch mei de rest
fan ’t jier foarby, syn bêst
te dwaan om mei it ljocht
fan loft en wetter stal
te jaan oan djippe dream
dy’t wierheid brocht.

Related Posts

Archieven

Zoeken

  • Categorie

  • Datum