Archive for the Lyrysk Deiboek category

Wêrom altyd nei de lichte
yn deselde delgong op retoer,
mar nei de himel rikt de toer
fan stiel, full power nei de hichte
hat it folk in kjelle kick jûn jûn,
mar sjit fan heech nei leech,
de sirkel is wer rûn.

Wa bewennet dan de leane,
stadich rinnend nei de ivichheid,
in parallel oan sillichheid,
de weagen dy’t op ’t waaien geane,
is it folk fan tweintich jûn,
de geast bringt sa teweech
it blau dat eaget rûn.

Wat hat de stêd?
Ik kin it wol betinke
mei twa bôgen boppe my:
beskerming fan de poarte,
hoe’t syn slaggen klinke,
mei lûd en jûnsljocht rij,
de tuorren dy’t my winke
om te pinnen en te stoarten,
want yn ’t sintrum bisto frij
om op ‘e stêd te drinken.

Mar bûten de twa bôgen
wiist in mêst de rjochting oan
om ’t heger oan te fielen
op termyk in flecht dy’t fier
de grinzen oer foltôget
by it rije ljocht fan moarn,
fantastysk om te dielen
mei de fûgels, gjin beswier
dat bylden wolris striele.