Archive for the Bibelbylden category

Stjoerde God op tellen oan
of wie it Davids eigen stribjen?
De macht siet op ‘e troan
en woe mei sifers libje.

Stjoerde God doe syn profeet
dy’t David kieze liet út trije?
Ien straf krong troch it kleed
fan ’t folk, ûndraachlik lijen.

Hie de kening echt berou?
Hy koe de konsekwinsje witte:
de pest sloech man en frou,
soe hy de bern ferjitte?

Wie it God dy’t stjerre liet
safolle folk yn plak fan David?
Of gie it sa’t dat giet:
de deade wurdt beklage.

Stjoere minsken harren god
of is ’t oarsom: stjoert Hy de minsken?
Dit liket op it lot,
it earste giet om winsken.

* Pieter Fransz de Grebber (1600-1652/1653)
Skilderij ‘Beroufolle David kiest út trije pleagen’

** Gustave Doré (1833-1883)
Yllustraasje ‘De pest yn Israel’

De âlde David teach ek mei
en rekke yn in fûl gefjocht,
hy hie fan ’t striden skjin syn nocht,
in reuzefjochter kaam him nei.

Abisjai wie noch krekt op tiid
en rekke mei syn swurd de oar:
in twadde Goliat dy’t stoar,
mar Davids liif kaam út ‘e striid.

* Gustave Doré (1833-1883)
Yllustraasje ‘Abisjai rêdt David’