Archive for the Bibelbylden category

Sa krige Daniël foar eagen
it fisioen en wat er moast:
de kening sizze hoe’t it stie
mei ’t wize wurd en ’t byld as frjemde gast…
hy seach it fan de ierde reage.

Frijmoedich liet de jongfeint witte
dat hy gjin alleswitter wie,
God makke dreamen iepenbier
en joech oan wa’t him tsjinne wize rie…
it byld soe nimmen wer ferjitte.

It byld is heech, ja sels ûnbidich,
de holle klearebare goud,
fan sulver binne boarst en earms,
it hat derfan as is it minder boud
as boppe-oan, want dêr oerdiedich.

Fan koper binne liif en siden,
dan komt it izer, skonk en foet,
de lêste mei ek tichelklaai,
it mânske byld stiet faai, it giet net goed…
it wurdt in byld fan alle tiden.

* Boarne ‘Nieuwsgroep’
Ofbylding �??It byld fan Nebûkadnessar’  

Rûnom yn Babel gie de tiding
dat alle wizen stiene faai,
ek Daniél wist fan ’t gefaar
dat kenings dream brocht foar him lijen mei…
moast hy as frjemdling ha de lieding?

Hy frege útstel om te dreamen
deselde dream as Babelsk foarst,
te smeken oan syn eigen God
om help, om’t hy de wizen rêde moast…
it fisioen begûn te streamen.

En yn de moarntiid streamden wurden:

Heech te priizjen is de namme fan de Iene,
syn krêft en wiisheid hat Er jûn
oan wa’t foar wiisheid stiene,
mar wa’t wiene oan de machten bûn;
neat bliuwt ferburgen yn it tsjuster,
de Iene bringt it oan it ljocht
foar my; it paad wie ‘k bjuster,
mar foar hjoed hat Hy my wiisheid brocht.

* Ikoan fan de profeet Daniël