januari 12, 2019
fan ûnbekend*
’t Wie mis yn Tessalonika,
ik siet der tuskenyn, dus wie ’k derby,
waard opbrocht nei it stedsbestjoer
as gasthear fan de tsjûgen
fan de Hear, sy moasten sliepplak ha…
gelokkich bin ’k wer frij.
De measte Joaden moasten neat
fan Paulus ha, dy’t tsjûge fan de Hear,
ek Silas mochten sy net oer,
doe ha ik har útnûge…
gastfrij wêze is dochs net ferkeard?
Ik fûn it sels in ear.
De Joaden brochten ’t folk oeral
mei ’t doel myn gasten op te bringen nei
it stedsbestjoer, ik ha har doe
rap út ’e hûs wei litten,
sa rûn ik as gasthear yn de fal
en namen se my mei.
Mar sa’t ik sei, ik bin wer frij,
al is ’t op boarchtocht; wat ek komme mei,
se meitsje my net mear oerstjoer.
* Kaartsje fan Grikelân en Turkije
januari 9, 2019
fan ûnbekend*
Wy rûnen troch de finzenis,
noch sear die ús de lea
troch ’t fuotteblok en alle strimen,
mar hawar, in skok hie ús befrijd
of kaam ferlossing nei de bea?
Ik seach ’t wie mis mei de sipier,
dy’t him tekoart dwaan woe,
want mei syn wurk koe hy ’t net rymje,
mar gjin noed, ik ha him fluch fernijd
dat elk dêr sitten bliuwe soe.
Behalve wy, wy mochten mei,
hy hie der grif fan leard,
as tank fersoarge hy ús strimen,
wylst fertelden wy him ús bliid nijs,
foar ’t dopen hat er him bekeard.
It stedsbestjoer kaam ek mei nijs:
wy koene frij wer gean,
’t wie net te rymjen mei ús strimen,
as Romeinen wiene wy op reis
mei ’t rjocht om frij te gean en stean.
Yllustraasje ‘Paulus en Silas en de sipier’