Fan de troan sakje

fan John Martin*

De foarst fan Tyrus lit ik witte
dat syn heechmoed weage heech
en dat er troane as in god
yn de midden fan de see,
hy sil dêr sa net lang mear sitte.

Hy hat troch tûkens yn de hannel
in fermogen opslein, goud
en sulver, docht him foar as god
yn de midden fan de see,
hy wie heechmoedich yn syn wannel.

De foarst fan Tyrus kin net sitten
bliuwe op syn hege troan,
in frjemd beslist rou oer syn lot,
lûkt it swurd tsjin al syn pronk,
sil him as deade sakje litte.

* John Martin (1789-1854)
Skilderij ‘De ûndergong fan Tyrus’