fan Bernardo Bellotto*
fan Giovanni Antonio Canal**
As ’t wetter ’t byld behearsket,
glydt men mei in gondel troch
kanalen, leawurk, wylst de geast
besjongt de ieuwenâlde pracht,
mar sjoch…
… it folk dat oars net easket
as it deistich brea dat troch
it leawurk djoer fertsjinne wurdt,
want gondels ha faak swier de fracht,
mar sjoch…
… hoe’t folk it byld behearsket,
adel folle net genôch,
in rige dracht fan kop oant sturt,
want gondels losse grutte macht,
omdoch.
* Bernardo Bellotto (1721-1780),
dy’t yn Fenetië berne waard,
rôp troch de wurking fan it ljocht
in realistyske sfear op.
Skilderij ‘Tagong ta it Grutte Kanaal’
** Giovanni Antonio Canal (1697-1768),
de omke fan Bernardo Bellotto,
makke realistyske skilderijen fan Fenetië.
Skilderij ‘Untfangst fan de Frânske ambassadeur’
|
