Skôgjende ingel

admin

november 6, 2016

Skôgjende ingel

Gjin kop mear op ‘e strjitte
nei koppen fol mei krystgedoch
en skonken ûnder ’t gysten gat,
dy’t rinne merk en winkel plat…
’t is tsjuster no, mar sjoch…

… twa himelstrielen sjitte
nei ’t ierdryk boppe-op in peal
en transformearje ta it stal
fan tsjokke ingel, boppe-al
de skôger, fan karakter eal.

It eaget oer de strjitten,
mar wurdt gjin kop of skonk gewaar,
wol al it skips- en brêgeljocht,
fanwege leechte om ‘e nocht…
wa wit, foar ’t berntsje yn gefaar…