Geastlik foer

november 2, 2016

Dy nacht klonk klap op klap,
it hiele swurk wie yn de ban
fan flitsend fjoer,
ik skrok der wekker fan
en hie it krap.

De rattel op it dak
fan rein en heil, ik ûndergong
it as de floed
dy’t troch de diken krong,
fan plak nei plak.

Ik tocht oan skiep en ree,
foar harren gjin ûntkommen oan
yn ’t lege gea,
‘k ferwachte yn de moarn
in hege see.

Mar sjoch, der bôgen oer
de skiep de kleuren fan de hoop,
in stilsteand ljocht,
gjin dier gie op ‘e loop
foar ’t geastlik foer.

Recente berichten