Boer en skipper

admin

november 2, 2016

Boer en skipper

De seeën dampe mar omraak
en stoarmen jeie wolken nei it lân,
in grauwe loft dy’t iepengiet,
sa bart it hjoed wat al te faak,
de holle hjit, de fuotten wiet.

As polders reitsje sompich fol,
dan bromme boeren yn it koar it liet:
‘Lit gau foar ús belang ’t gemaal
mar draaie, nei it wurd de died,
want boeren sprekke kleare taal.’

It wetter streamt de boezem yn,
wat is de skûtsjeskipper wol nei ’t sin,
want djipper giet har silersliet:
‘Wy stekke ’t swurd en heine wyn,
dy boeren binne net sa min.’