Swartedyk

admin

november 2, 2016

Swartedyk

Noch binne beide bermen grien,
mar amper is de Grienedyk te sjen,
de ieuwenâlde wachter,
dy’t by hege floeden dien
hat wat oars gie folslein ferlern.

Mar as it Wetterskip net mear
fertrout yn tûzen jier fan sterk hâldtsjin,
dan rôlje giele meunsters,
spanne tsjin de âlde gear
en dogge wat gjin stoarmfloed kin.

Se frette mei har brede bek
fan slachbeton de beide bermen keal
en litte liken achter
op ‘e krún, it eachweid brekt,
de Swartedyk leit hjoed foar peal.