Al skoften stiet er achter ’t stikeltrie,
ferliezend enerzjy en glâns
en sels de namme mist syn kleur,
de konkurrinten komme ta de die
en gripe op ‘e mar har kâns:
’t effekt fan yingling Klapper yn mineur.

De diagnoaze is net al te dreech
as men nei swurd en mêsten sjocht,
de eleminten fan alear,
se stekke djip en stribje nei omheech,
dy skippen dogge oan it Fryske rjocht…
de Peut is mankelyk en wol net mear.