It is him oan te sjen,
it grize hier, de skeinde noas
– rhinophyma –
as pake yn it read as roas
út leafde foar it bern.

It jonkje sjocht him oan,
de krol yn goud en glêd de hûd
– dat past him sa –
syn read rint oer en likegoed
is ’t fan deselde toan.

‘Wat raar is pakes noas,
wat bultsjes en in bytsje read
hoe komt dat sa?’
‘It is mei pake goed beteard:
de noas bloeit as in roas.’

* Domenico Ghirlandaio (sirka 1449-1494)
waard berne yn Florence en skildere
in protte fresko’s en portretten.
It portret ‘Alde man mei jonkje’
kaam earst klear doe’t de man
al ferstoarn wie.