Wyt op swart

admin

oktober 16, 2016

Wyt op swart

It rikket fan it ûnnatuerlik swart,
in nije laach yn ’t lege gea
dêr’t bochte yn ’t ferline
inkeld mar de Grienedyk dy’t ea
it bodzjend folk beskerme hat.

It swart komt ûnder ’t ûnnatuerlik wyt
dat spattend bochtet as gefaar
foar faasje yn it bline,
net in each foar watfoar wyn en waar
en wat yn berm en greide stiet.

Mar wat, fergroeid mei waar en wyn,
de simmer troch de bermen siert,
sil nea troch ’t swarte kwine,
want de stâle hâldt as stille died
de kop derfoar, natuer deryn.

Wiffe keunst Duvel Tjitte dea